Жыл башынан бери Бишкекте муниципалдык автобустар катышкан жол кырсыктарынын саны өскөн. Кырсыктар 2024-жылдын ушул мезгилине салыштырганда 15% га көбөйгөн. Бул тууралуу Мамлекеттик камсыздандыруу уюму билдирди.
Маалыматта айтылгандай, 1-январдан 31-мартка чейин «Бишкек шаардык транспорт» ишканасынын карамагындагы 158 автобус жол кырсыкка учураган.
Ошондой эле автобус айдоочулар тарабынан жол эрежелерин бузуу фактылары да көбөйгөн. Мындан улам автобус айдоочуларына түшүндүрүү иш-чаралары жүргүзүлгөн.