Быйыл Кыргызстанда өлкө аймагында тигилген кант кызылчадан 900 миң тонна түшүм алуу пландалууда. Бул тууралуу Айыл чарба министрлигинен билдиришти.
Министрликтин маалыматы боюнча, учурда Кыргызстандын Чүй, Талас жана Ысык-Көл облустарында 3 миңге жакын дыйкан кант кызылчасын өстүрөт. Быйыл ал 13,5 миң гектар жерге тигилген. Эсептөөлөр боюнча, ар бир гектардан 666,6 центнерден, 13,5 миң гектардан 900 миң тонна түшүм жыйналат. Андан 110 миң тонна кумшекер өндүрүүгө болот.
Белгилей кетсек, Кыргызстанда жылына 120 миң тонна кумшекер керектелет. Былтыр өлкөдө 620 миң тоннадай кант кызылчасы чогултулган.