Панфилов районунда милиция кызматкерлери тоноочулукка шектүүнү кармады. Бул тууралуу Чүй облусунун Ички иштер башкы башкармалыгынын басма сөз кызматы билдирди.
15-февралда Панфилов райондук ички иштер бөлүмүнө каракчылык фактысы боюнча билдирүү келип түшкөн. Аталган аймакка тез арада райондук ички иштер бөлүмүнүн тергөө-ыкчам тобу барып, ал жерге барганда 11-февраль күнү саат 14:00 чамасында Кайыңды шаарында медициналык бет кап кийген белгисиз адам үйгө кирип баргандыгы аныкталды. Ошол учурда ал жашы жете элек төрт баланы коркутуп, 11 жаштагы кызга бычак такап, акча жана баалуу буюмдар кайда сакталып тургандыгын көрсөтүүнү талап кылган. Андан кийин бөлмөлөрдүн бириндеги капчыкты байкап, акчаны алып, андан кийин из жашырып кеткен. Окуя болгон учурда үйдүн кожойкеси үй-бүлөлүк маселелер боюнча белгисиз мөөнөткө жок болуп чыккан. Кылмышкер чоңдордун жоктугунан пайдаланган.
Бул факт кылмыштардын жана жооруктардын бирдиктүү реестрине «тоноо» беренеси менен катталып, сотко чейинки тергөө иши башталган.
Зарыл тергөө-оперативдик иш-чараларды жүргүзүү учурунда Панфилов районунун ИИБнын СКМ кызматкерлери жогорудагы кылмышка шектүү делип, 27 жаштагы Г.А. кармашкан. Учурда кармалган адам убактылуу кармоочу жайга киргизилген.