Чүй облусунда мамлекеттин каражаттарын мыйзамсыз пайдалангандар бюджеттике келтирилген зыянды кайтарды. Бул тууралуу Улуттук коопсуздук мамлекеттик комитетинен билдиришти.
Маалыматка ылайык, Москва районунун Александровка айыл аймагынын мурдагы башчысы Б.И.Ю. жана «Александровка» («Таза-Айыл») муниципалдык ишканасынын башчысы Н.С.А. тарабынан кызмат абалынан кыянаттык менен пайдаланган фактылар аныкталды.
Такталган боюнча, 2020-жылдын сентябрында аталган адамдар Москва районунун Александровка айылындагы таштанды полигонун рекультивациялоо жана тазалоо боюнча жасалма келишимге кол коюшкан. Жыйынтыгында, мамлекетке 1,1 миллион сомдон ашык зыян келтирилген.
Аталган факты 320-берене (Кызмат абалынан кыянаттык менен пайдалануу) боюнча кылмыштардын жана жоруктардын бирдиктүү реестрине катталган.
26-мартта Б.И.Ю. аттуу жаран мурда бөлүнгөн 1,1 миллионн сомдон ашык суммадагы бюджеттик каражаттарды мамлекеттин эсебине толугу менен кайтарып берген.