Чүй облусунун Панфилов районунда турак жайдан өрт чыгып, 47 жаштагы киши каза болду. Бул тууралуу Өзгөчө кырдаалдар министрлигинин (ӨКМ) басма сөз кызматынан билдиришти.
Маалыматка ылайык, Панфилов районунун Каптал-Арык айылындагы турак жайлардын биринен түнкү саат 3:30дар чамасында өрт чыккан. Анын кесепетинен үйдүн жыгач устундуу шифер жабылган 6 чарчы метр чатыры жана ички жасалгасы күйгөн.
Тилсиз жоодон 47 жаштагы киши көз жумган.
ӨКМнын куткаруучулар маркумдун жансыз денесин алып чыгып, милиция кызматкерлерине өткөрүп берген.
Учурда өрттүн себеби такталууда.