Чүй облусттук администрациясынын аппарат жетекчисинин башчысы Молдакун Абдылдаевдин сөөгү 6 — июлда жерге берилет. Бул тууралуу облусттук администрациясы бүгүн, 5-июлда маалымдады.
Мекеменин маалыматына ылайык, маркумду акыркы сапарга узатуу зыйнаты эртең саат 10до Бишкектин Кара-Жыгач жаӊы конушунда өтөт. Тактап айтканда, Лев Толстой Оберон көчөсү менен кесилишкен даректе болот.
Эскерте кетсек, чиновниктин үй-бүлөө мүчөлөрү менен Ат -Башыдан келе жатып Жумгалдан дайынсыз жоголгондугу 30 -июнда кабарланган. Кийинчирээк анын автоунаасы Көкөмерен суусуна түшүп кеткендиги маалым болгон. Издөө иштеринин натыйжасында 2 -июлда Молдакун Абдылдаевдин жана анын айдоочусунун жансыз денелери табылган. 4 июль күнү анын 8 жашар небересинин да сөөгү табылган. Анын жубайы жана уулу азырынча табыла элек.