Бүгүн, 25-июлда Кыргыз-Тажик чек арасында кырдаал туруктуу. Исфана-Баткен жана Исфара-Ворух жолдору ачылды. Бул тууралуу Чек ара кызматынын маалымат бөлүмү билдирди.
Учурда эки өлкөнүн чек арачылары күчөтүлгөн режимде иш алып барышууда. Жергиликтүү элге түшүндүрүү иштерин жүргүзүү уланууда.
Белгилей кетсек, 22-июлда кыргыз-тажик чек арасында чыр чыгып, ок атылган. Жаңжалдан бир нече адам жабыркаган. Кырдаалды жөнгө салуу жана жергиликтүү тургундарга түшүндүрүү иштерин жүргүзүү максатында бир нече жетекчилер жаңжал чыккан аймакка барган.