Биринчи вице-премьер-министр Кубатбек Боронов Кадамжай районунун чектеш айылдарынын жашоочулары менен жолугушту. Бул тууралуу өкмөттүн басма сөз кызматы кабарлайт.
Жолугушууда жергиликтүү тургундар кечээ коңшу өлкөнүн жарандары менен болуп өткөн чыр-чатакка байланыштуу актуалдуу маселелерди козгошту.
Кубатбек Боронов Өзбекстандын премьер-министри Абдулла Арипов менен болуп өткөн сүйлөшүүлөр жана жетишилген макулдашуулар тууралуу айтып берген.
Биринчи вице-премьер-министр чек ара маселелерин чечүү өкмөттүн өзгөчө көзөмөлүндө экенин белгилеп, тургундарындын кайрылуусу боюнча тийиштүү иштер жүргүзүлө тургандыгын айткан.
Баткен облусунун жашоочулары биринчи вице-премьер-министр Кубатбек Боронов алар менен жолугушпай кеткенине нааразы болушту. Бул тууралуу видео
Буга чейин Кубатбек Боронов эл менен жолугушпай койду деп жергиликтүү элдин нааразы болгон видеосу телеграмдагы «Сейчас.kg» каналына жарыяланган.
