Чет өлкөдөгү эки шайлоо участогу ишин жыйынтыктады. Бул тууралуу Борбордук Шайлоо комиссиясынын төрайымы Нуржан Шайлдабекова маалымат жыйында билдирди.
Анын айтуусуна караганда Орусиянын Түштүк Сахалин жана Владивосток аймагындагы эки шайлоо участогу өз ишин жыйынтыктаган.
Белгилей кетсек, чет өлкөлөрдө баш аягы 32 602 шайлоочу катталган. Алардын ичинен 5283 адам ушул убакка чейин өз добуштарын берип кеткен.