Бүгүн, 18-январда Жогорку Кеңештин жыйынында “Кыргыз Республикасынын Турак жай кодексине өзгөртүү киргизүү тууралуу” мыйзам долбоору биринчи окууда каралды.
Демилгечи депутат Дастан Бекешевдин айтымында, мыйзам кабыл алынса, муниципалдык жана мамлекеттик кызматтарды ээлеген адамдарга кызматтык турак жайды менчиктештирүүгө тыюу салынат. Ошондой эле, менчиктештирүүгө уруксат берүү мөөнөтү да кыскартылууда.
«2013-жылга чейин 1984-жылы кабыл алынган Турак жай кодекси иштеп, ага ылайык турак жайды анда он жылдан кем эмес жашагандан кийин менчиктештирүүгө мүмкүн болгон. Андан кийин менчиктештирүү мөөнөтү 20 жылга чейин узартылган. Биз ал убакытты экиге кыскарттык. Бирок Министрлер кабинети буга каршы болууда. Спортчуларга же башка адамдарга батир беребиз, атын атабай эле коёюн. Бирок бул жерде президенттен белекке турак жай алган атактуу адамдар бар, бирок алар менчиктештире алышпайт», — деди ал.
Дастан Бекешевдин айтымында, Суванбердиев көчөсүндөгү үйлөрдүн жашоочулары өз атына турак жайды кайра жаза алышпайт.
«Бул имараттагы батирлер салык кызматкерлерине, мугалимдерге жана эмгек сиңирген адамдарга берилген. Алар 20 жыл кезекте тургандан кийин үй алышкан. Бирок алардын батирлери кызматтык батир катары көрсөтүлгөн. Ошондуктан, алар турак-жай алгандан тартып, ал жерде дагы 20 жыл жашашы керек», — деди эл өкүлү.
Бишкек шаарынын вице-мэри Нурдан Орунтаевдин айтымында, мэриянын балансында 199 батир бар.
Биздин Телеграм каналга катталыңыз