Чоң Чүй каналынан куткаруучулар дайынсыз жоголгон адамды издешүүдө. Бул тууралуу Өзгөчө кырдаалдар министрлигинин басма сөз кызматынан билдиришти.
Маалыматка ылайык, Чүй облусунун Ысык-Ата районунун 1972-жылы туулган тургуну 7-февралынан тартып, дайынсыз жоголгон.
Ал адамдын бут кийими каналдын боюнан табылгандыгына байланыштуу, туугандары Өзгөчө кырдаалдар министрлигине Чоң-Чүй каналын бойлоп издеп берүү өтүнүчү менен кайрылышкан.
Учурда аталган адамды издөө иштери жүрүүдө, бүгүн, 16-февралда да уланат.
