Чолпон-Ата шаарынын 36 жаштагы депутаты Т.С. кармалды. Бул тууралуу Ысык-Көл облустук ички иштер башкармалыгы билдирди. Ал массалык башаламандыкка чакырууга шектелүүдө. Милициянын маалыматында, 22-май күнү Т.С. салык кызматкерин күч колдонорун жана массалык башаламандык уюштурарын айтып коркуткан. Анын видеого тартылган бул аракетине лингвистикалык экспертиза жасалды. Ички иштер башкармалыгы шаардык кеңештин депутаты Камчы Көлбаевдин тобунун мүчөсү экенин белгилейт.