Чолпон-Ата шаарындагы No3028 шайлоо участкасында шайлоочулардын кээ бирлери өздөрүн тизмеден таба албай жатат. Бул тууралуу Reporter.kg’нин Ысык-Көл облусундагы кабарчысы жеринен билдирди.
Комиссиянын төрагасы шайлоочу чындыгында өзүн тизмеден таппаганын тастыктап, бирок так себебин түшүндүргөн жок.
«Сыртта илинген тизмеде алардын аты-жөнү турат, бирок базадан чыкпай жатат. Натыйжада өзүн тизмеден таппаган шайлоочулар добуш бере алышкан жок», — деп билдирди кабарчы.