Ысык-Ата районунун Люксембург айылындагы Чоң чүй каналына унаа кирип кетти. Бул туурасында Өзгөчө кырдаалдар министрлигинин басма сөз кызматы билдирди.
Маалыматка караганда, 31-октябрда түнкү саат 23:50 чамасында Өзгөчө кырдаалдар министрлигинин куткаруучулары Ысык-Ата районунун Люксембург айылында Чоң чүй каналына унаа кирип кетти деген чакырык түшөт. Кызматкерлер жерине барышканда Фольксваген пассат үлгүсүндөгү жеңил унаанын айдоочусу рулду башкара албай сууга кирип кеткенин көрүшкөн. Жыйынтыгында унааны сүйрөтүп чыгышкан. Бактыга жараша унаадагы эки киши жабыркаган эмес.