Чоң Чүй каналына түшүп кетти делген 18 жаштагы Ж.кызы А. изделүүдө. Бул тууралуу ӨКМден билдиришти.
Маалыматка караганда, издеп-куткаруу иштерине ӨКМдин Ысык-Ата райондук бөлүмүнөн 10 куткаруучу тартылды.
Буга кошумча анын жакындарынан 15 киши, ИИМдин 10 кызматкери куткаруу иштерине чыгышты. Жалпы 35 адам аталган жаранды издешүүдө.
Эскерте кетсек, кечээ Кант шаарынын тургуну сууга түшүп кеткени тууралуу маалымат түшүп, издөө иштерине 4 куткаруучу, 2 милиция кызматкери жана 4 тууганы чыккан. Издөө иштеринен натыйжа чыккан эмес.
Биздин Телеграм каналга катталыңыз