Жылкыларды алдап алып кеткен киши 7-сентябрь күнү Чүйдүн Сокулук районунан кылтакка илинген. Чүй милициясы бул туурасында билдирди.
Сокулук милициясына М.Н. аттуу жаран анча эмес таанышы анын ишеничине кирип 8 баш жылкыны сурап алган бойдон дайынсыз жок болуп кеткен айтып арызданган. Бул факты боюнча жоруктардын бирдиктүү реестрине катталып, издей баштайт.
Иликтөөнүн жыйынтыгында 40 жаштагы Б.М. атту Чүй облусунун жашоочусун колго түшүргөн. Милиция мындан башка да алдамчылык иштерин издеп жатат.
Азырынча жылкыларды ээсине кайтарып бергени боюнча маалымат ачыктала элек.