Аламүдүн районунда уурулукка шектелген жаран кармалганын Чүй облустук милициянын басма сөз кызматы билдирди.
Маалыматка караганда, милицияга арыз менен Аламүдүн районунун Маевка айылынын тургуну Ж.З. кайрылган. Анда ал 15-октябрга караган түнү анын үйүнө белгисиз адамдар кирип, тигүүчү машинасын уурдап кетишкенин билдирген.
Аталган факты Аламүдүн райондук милициясына Кылмыш-жаза кодексинин 205-беренеси («Уурдоо») менен катталып, кылмыш иши козголгон.
Аламүдүн РИИБнин кызматкерлери тарабынан жүргүзүлгөн ыкчам-издөө иш-чараларынын жүрүшүндө кылмышка шектүү кармалган. Ал 1991-жылы туулган И.Д. Ал убактылуу кармоочу жайга камалды.
Милиция кызматкерлери кармалган жарандын Аламүдүн районундагы башка уурулук фактыларына тиешеси бардыгын аныкташкан.
Телеграм каналыбызга каттала кетиңиз