Мектеп кароолчусуна курал такап коркуткандар колго түштү. Бул туурасында Чүй облустук милициядан билдирди.
21-октябрь күнү болжолдуу 10:30дар чамасында Панфилов районундагы мектептердин бирине белгисиз эки киши кирет. 43 жаштагы Ж.Ж. аттуу кароолчусу имараттын ичине кирип бара жаткан эки кишиге “бет кап кийип алгыла” деп суранганда кайым айтышуу болуп, бир маалда экөө чөнтөгүнөн курал алып, коркутууга өткөн. Куралын от алдырымыш болуп унаасына түшүп, белгисиз жакка жылт коюшкан.
Милиция Аламүдүн районунан 18 жаштагы Н.Б., 20 жаштагы А.З. колго түшүрүп, тергөө иштери жүрүүдө.
Күч органдары куралды изилдеген маалда газ-пневматикалык пистолет экени аныкталып, 15 огу кошо табылган.
