Чүйдүн Сокулук районунда ири өлчөмдө алдамчылык жасоого шектелип 63 жаштагы жаран кармалды. Бул тууралуу облустук милициядан билдиришти.
Маалыматка караганда, 6-декабрда Сокулук райондук милициясына 65 жаштагы Т.А. аттуу жаран кайрылган. Ал билдиргендей, быйыл июль айында К.Р. аттуу жаран ишенимине кирип, сарайын 190 миң долларга сатып алууну убадалап, сарайына жашаганы кирген. Бирок сарайдагы мүлктү сатып салган. Келтирилген зыян 1 млн 162 миң сомду түзгөн.
Аталган факт каттоого алынып, Кылмыш кодексинин 209-беренеси (Алдамчылык) боюнча кылмыш иши козголгон.
Ыкчам-тергөө иштеринин натыйжасында шектүү катары 63 жаштагы К.Р. аттуу жаран кармалып, убактылуу кармоочу жайга камакка алынган.
Тергөө уланууда.
Биздин Телеграм каналга катталыңыз