Чүй облусунда адам өлтүрүүгө шектелген Бердибек Шаршеев изделүүдө. Бул тууралуу облустук милициянын маалымат кызматы билдирди.
Маалым болгондой, 2-мартта Сокулук районундагы Электромеханик дачасында киши колдуу болгон 49 жаштагы аялдын сөөгү табылган.
Бул факт боюнча Кылмыш-жаза кодексинин 122-беренесине (адам өлтүрүү) ылайык кылмыш иши козголгон. Ошондой эле тиешелүү соттук-медициналык экспертиза дайындалган.
Милиция аныктагандай, аял кишини аны менен чогуу жашаган 49 жаштагы Бердибек Шаршеев өлтүрүп, изин жашырып кеткен. Ал мурда бир нече жолу соттолгон.
Милиция Бердибек Шаршеевди көргөндөр болсо, 0312 363 523, 0500 190 151, 0501 230 290 же 102 номерлеринин бирине кабар берүүсүн суранат.