Чүйдө эс алуу жайында эки адам сууга агып, бирөөнүн сөөгү табылды. Бул тууралуу ӨКМдин маалымат кызматынан кабарлашты.
Маалыматка караганда, Аламүдүн районундагы Таш-Мойнок айыл аймагына караштуу эс алуучу жайда кыз апасы менен сууга түшүп кеткени тууралуу маалымат түшкөн. Издөө иштерине Аламүдүн районунан 3 куткаруучу, Сокулук районунан 5 куткаруучу тартылган.
Издөөнүн натыйжасында куткаруучулар тарабынан аял кишинин сөөгүн суудан чыгарып, ИИМдин кызматкерлерине өткөрүлүп берилген. Ал эми кызды издөө иштери кеч киргендигине байланыштуу убактылуу токтотулган. Аны издөө бүгүн, 19-июлда улантылат.
ӨКМдин бүгүн, 19-июлда билдирген маалыматы боюнча окуя Бишкектин четиндеги «12 каминов» эс алуу жайында болгон. Анда 27 жаштагы келин сууга түшүп кеткен кичинекей кызын куткарам деп сууга түшкөн. Кечээ, 18-июлда куткаруучулар аялдын сөөгүн таап, кичинекей кызын табышкан эмес. Учурда издөө иштери жүрүүдө.
Биздин Телеграм каналга катталыңыз