Чүй облусунун Ысык-Ата райондук соту инисин өлтүрүүгө шектелген жаранды күнөөлүү деп тапты. Бул тууралуу соттун өкүмүндө айтылат.
Маалым болгондой, 48 жаштагы С.Р.Д. аттуу жаран соттун чечими менен 13 жылга эркинен ажыратылды.
«Тергөөнүн версиясы боюнча чыр-чатак учурунда айыпталуучу адам бычак алып, алгач бир адамдын жүрөгүнө, андан соң өзүнүн инисинин аркасына сайган. Акыркысы ошол жерден каза болгон. Мунун баары апасынын көзүнчө болгон. Шектүүнүн үйүнөн марихуана табылган. Тергөөнүн жүрүшүндө С.Р.Д. күнөөсүн толугу менен мойнуна алган. Ал агасы экөөнүн ортосунда чыр-чатак болгонун айткан. Иниси аны муунта баштаган, ал аны коё берүү өтүнгөндө, уккан эмес. Ошол учурда С.Р.Д дивандын астынан бычак алып чыгып, инисин жарадар кылган. С.Р.Д. инисин канча жолу бычак менен сайып салганы эсинде жок экенин билдирген. Айыпталуучу муну эч нерсе түшүнбөй, тууганына ачуусу келгени менен түшүндүргөн», — деп айтылат өкүмдө.
Айыпталуучунун апасы жабырлануучу деп таанылган. Соттук териштирүүдө ал уулдары сөгүнүп баштаганда аларды тынчтандырууга аракет кылып, бирок алы жетпегени менен түшүндүргөн.
«Аял эки уулунунун урушуп жатканын укпай, башка бөлмөгө кирип кеткен. Апасынын айтымында, кичүү уулунун кыйкырыгын гана уккан. Жабырлануучу тез жардам чакыргысы келген, бирок кичүү уулу өзү ордунан туруп, акырын короого кирип кеткен. Ошол маалда ал олуттуу эч нерсе болбогонун, агасы инисинин бутуна же колуна бычак сайып жибериши мүмкүн деп ойлогон. Ал баласын ооруканага алып баруу үчүн унаа издеп жүргөн, бирок эч кимди таппай үйүнө кайтып келип, уулу кансырап жатканын көргөн. Аял соттон айыпталуучуну толук жазалабоону суранган», — деп айтылат соттун чечиминде.
Биздин Телеграм каналга катталыңыз