Чүй облусунда 45 млн долларга жаңы заманбап цемент заводу курулат. Бул тууралуу Финансы министрлигинен билдиришти.
Маалыматка караганда, долбоор Москвада өткөн Россия-Кыргыз өнүктүрүү фондунун кеңешинин жыйынында жактырылды. Цемент заводунун курулушуна Россия-Кыргыз өнүктүрүү фонду тарабынан 45 млн доллар бөлүнөт. Анын кубаттуулугу жылына 1,5 млн тонна цементти түзөт. Буга байланыштуу Кыргызстан жылына 47 млн долларды үнөмдөп, импорттон көз карандысыз болот. Долбоордун алкагында 450 жумушчу орун түзүү каралган.
Биздин Телеграм каналга катталыңыз