Чүйдө мал уурулукка шектелип эки адам кармалды. Бул тууралуу облустук милициянын басма сөз кызматы билдирди.
Маалыматка караганда, Москва райондук ички иштер бөлүмүнө Б.А. аттуу жаран арыз менен кайрылган. Ал 2022-жылдын август айында Москва районунун аймагындагы Кара-Суу жайлоосунан белгисиз адамдар үч баш жылкысын уурдап кетишкенин билдирген.
Аталган окуя боюнча Кылмыш-жаза кодексинин 205-беренесинде (Уурулук) көрсөтүлгөн кылмыш курамы менен кылмыш иши козголгон.
Чүй ОИИББнын Кылмыш иликтөө башкармалыгынын жана Москва РИИБдин кылмыш иликтөө бөлүмчөсүнүн кызматкерлери тарабынан жүргүзүлгөн ыкчам-иликтөө иштеринин натыйжасында, бул кылмышка шектүү болуп 1977-жылы туулган Ж.А. жана 1995-жылы туулган А.Ж. аттуу жарандар кармалып, убактылуу кармоо жайына киргизилди.
Учурда тергөө иштери уланууда.
Бардык жаңылыктар Телеграм каналда