Ысык-Ата районунда күйөөсүн өлтүрүүгө шектелген аял кармалды. Бул тууралуу Чүй облустук милициясынын басма сөз кызматы билдирди.
Маалыматка караганда, 24-августта Ысык-Ата РИИБге Новопокровка айылынын 1978-жылы туулган Ш.О. аттуу тургунунун сөөгү өзүнүн үйүнүн короосунда табылгандыгы тууралуу маалымат түшкөн.
Аталган факт боюнча Ысык-Ата РИИБдин тергөө кызматында Кылмыш-жаза кодексинин 122-беренесинде (адам өлтүрүү) көрсөтүлгөн
курам менен кылмыш иши козголгон.
Жүргүзүлгөн ыкчам-тергөө амалдарынын натыйжасында кылмышка шектелип өлгөн адамдын аялы, 1983-жылы туулган Ш.Ю. кармалган.
Учурда шектүү убактылуу кармоо изоляторуна киргизилди. Кылмыш ичкиликтен келип чыккан уруштун айынан болгондугу аныкталды.
Тергөө уланып жатат.
Бардык жаңылыктар Телеграм каналда