Кыргызстандык балбан кыз Мээрим Жуманазарованын жеке машыктыруучусу Чынарбек Изабеков эркин күрөш боюнча ардагер балбандар арасындагы дүйнө чемпионатынын жарым финалына чыкты.
Изабеков 51-56 жаштагы балбандар арасында 100 кг салмакта күч сынашууда. Ал таймашты 1/8 финалдан баштап, биринчи беттешинде монголиялык спортчуну 4:0 эсебинде жеңди. Андан кийин чейрек финалда израилдик балбанды 11:0 эсебинде утуп, жарым финалга өттү.
Эми финалга чыгуу үчүн ал латвиялык Игорь Самушонок менен күч сынашат.
Белгилей кетсек, Изабеков 2015-жылдан бери дүйнө чемпионатына катышып келет. Андан бери ал бир да ирет дүйнө биринчилигинен байгесиз кайткан эмес.
Буга чейин ал ардагерлер арасындагы дүйнө биринчилигин 4 жолу жеңип, дүйнөнүн 4 жолку чемпиону болгон (2015, 2016, 2021, 2022-жылдар). Андан тышкары дүйнө чемпионатында 2 жолу күмүш (2017, 2019-жылдар), 2 ирет коло байге (2018, 2023-жылдар) уткан.
Мээрим Жуманазарованын жеке машыктыруучусу дүйнө чемпионатында коло утту