COVID-19 менен күрөшүүгө 5,2 млрд сом коротулду. Бул тууралуу Премьер-министр Кубатбек Боронов брифингде билдирди.
“Пандемия башталган күндөн тартып республикалык бюджеттен 5,4 млрд сом каражат каралган, анын ичинен 5,2 млрд сом иш жүзүндө коротулду”, — деди өкмөт башчы.
Анын айтымында бөлүнгөн каражаттар төмөнкүлөргө жумшалган:
1) Мед жабдууларды (ИВЛ, кычк.концентраторго), ПЦР, экспресс тесттерди, реагенттерди, мед багыттагы буюмдарды, жеке коргонуучу каражаттарды сатып алууга;
2) Саламаттык сактоо кызматкерлерине компенсациялык төлөмдөргө;
3) Күч түзүмдөрүнүн кызматкерлерине компенсациялык төлөмдөргө;
4) Обсервацияларды уюштурууга, тамак-ашына ж.б. чыгашаларына;
5) аз камсыз үй-бүлөлөрдү азык-түлүк менен камсыздоого;
6) гриппке каршы жана пневмококко каршы вакциналарды сатып алууга;
7) Мамлекеттик материалдык резервдер фондуна буудайдын жана дары-дармектердин запасын камдоого.