Кыргызстанда бир күндө коронавирустан 3 адам каза тапты. Бул тууралуу Республикалык ыкчам штабдан кабарлашты.
Маалыматка ылайык, илдеттен Баткен облусунда 2, Жалал-Абад облусунда 1 киши көз жумган.
Мындан сырткары, соңку суткада эле 596 адамдан коронавирус илдети аныкталган.
“ Бишкек шаарында 136 кишиден, Ош шаарында 23, Чүй облусунда 89, Ош облусунда 64, Талас облусунда 39, Нарын облусунда 7, Ысык-Көл облусунда 35, Жалал-Абад облусунда 91, Баткен облусунда 112 адамдан илдет табылды”– деп айтылат маалыматта.
Муну менен Кыргызстанда коронавирус илдетине чалдыккандардын саны 58394кө жетти.
Соңку суткада ошондой эле 425 адам илдеттен сакайган. Айыккандардын жалпы саны 49 522 адамды түздү.
Пандемия башталгандан бери коронавирустан 1142 кыргызстандык көз жумду.