Бустер — бул иммундук жоопту жогорулатуу үчүн жасалуучу вакцинанын дозасы, ал убакыттын өтүшү менен жок болот. Бустер организмдин иммундук эс тутумун узартат жана ковидден кыйла натыйжалуу коргоону камсыз кылат.
АКШнын Ооруларды алдын алуу жана көзөмөлдөө борбору жүргүзгөн изилдөөлөр көрсөткөндөй, Pfizer жана Moderna вакциналарынын күчөтүлгөн дозасы коронавируска каршы коргоону 90% га чейин жогорулатат. Тактап айтканда, ооруканага жаткыруудан коргойт.
Бустер кандай натыйжа берет?
Абдан ыкчам, болжол менен бир жуманын ичинде антителолорду иштеп чыгуу калыбына келет. Бустердин таасири абдан жогору, ооруканага жатууну 90% алдын алуу жөнүндө кеп болуп жатат.
Бустерди качан жасатуу керек?
Кээ бир өлкөлөр экинчи эмдөөдөн кийин беш, төрт, атүгүл үч айдан кийин бустерди алууга уруксат беришкен. Кыргызстанда эмдөөдөн кийин 5-6 айдан кийин жасоого уруксат берилет
Ооруп айыккандар бустер алышы керекпи?
Дарыгерлер ооруп калган учурда дагы, бустер алууну кеңеш беришет. Бирок ооругандан кийин 28 күн аралыгын сактоо зарыл.
Эгерде сизде бустер жасаганга убактыңыз жок болсо жана ооруп калсаңыз, белгилер башталгандан же COVID-19 үчүн оң тесттен 28 күндөн кийин бустер кыла аласыз жана кылышыңыз керек. Кийинкиге калтыруунун мааниси жок, анткени антителолорду иштеп чыгуу үчүн убакыт керек.
Көбүнчө оорудан кийин антителолордун болушу узакка созулбайт жана аларды оору аркылуу алуу өтө кооптуу дешет жугуштуу оорулар боюнча дарыгерлер. Эмдөө алардын кошумча калыптанышына түрткү берет.