Бишкекте өткөн маалымат жыйында Коопсуздук кеңешинин экс-башчысы Кеңешбек Дүйшөбаев качып кеткен күч түзүмдөрүндөгү жетекчилердин аракеттерин «уят» деп атады.
Дүйшөбаевдин айтымында, мындай жетекчилердин иш-аракеттери бардык күч түзүмдөрүнүн кызматкерлеринин арасында чоң нааразычылыктарды жараткан, алар мыйзам алдында гана эмес, абийир алдында дагы жооп беришет.
Эске салсак, ушул жылдын 5-6-октябрь күнү паралменттик шайлоонун жыйынтыгына нааразы болгондордун митинги учурунда ошол кездеги Ички иштер министри Кашкар Жунушалиев менен Улуттук коопсуздук комитетинин төрагасы Орозбек Опумбаев дайынсыз жоголгон.