Дүкөнгө уурулукка кирген деп шектелип 22 жаштагы жигит камакка алынды. Бул тууралуу Баткен облустукички иштер башкармалыгынын басма сөз кызматынан билдиришти.
Маалыматка ылайык, Лейлек районуна караштуу Кулунду айылында азык-түлүк дүкөнүнө белгисиз адам кирип 8 миң сом уурдап кеткен. Бул факты боюнча кылмыш иши ачылып ыкчам-тергөө иштери башталган.
Анын алкагында шектүү катары Кулунду айылынын К.С. аттуу 22 жаштагы тургуну кармалган.
Шектүү убактылуу кармоочу жайга киргизилип, учурда тергөө иштери жүрүүдө.
