Эгерде биз дагы эле жети пайыздык босого менен шайлоого барсак кайрадан башаламандык болот. Бул тууралуу Жогорку Кеңештин депутаты Алтынбек Сулайманов парламенттин бүгүнкү кезексиз сессиясында сүйлөп жатып билдирди.
«Эмне үчүн 5-октябрда мындай чоң толкун болду деп жатышат? Шайлоонун аркасы менен чыктык дешет алар. Бул жерде урушуп, талашуунун кереги жок. Сураныч, үч түзөтүү киргизели: шайлоо босогосун 3%га чейин төмөндөтүү жана күрөөнү 1 млн сомго чейин түшүрүү, ошондой эле No2 формасын алып салуу. Ушул пункттарды кабыл алалы, эгер 7% калтырсак, анда дагы саясий оюндар болот. Мен жаштардын үнүн сиздерге жеткирем. Жаштардын атынан суранам, ушул мыйзамды эртең карап көрөлү», — деди Сулайманов.