Буга чейин дайынсыз болуп жаткан 2012-жылы туулган Максат Ахматов табылды. Бул тууралуу Бишкектин Свердлов райондук ички иштер башкармалыгынын басма сөз кызматы билдирди.
22-январда Максаттын апасы милицияга кайрылган. Анын айтымында, ошол эле күнү баласы Дордой-1 жаңы конушундагы үйдөн чыгып кеткен бойдон кайрылып келген эмес.
Аталган факт Свердлов РИИБге катталып, жашы жете элек баланын жүргөн жерин аныктоо боюнча издөө-иликтөө иш-чаралары башталган.
Максат ошол эле күнү кечинде Аламүдүн районунан табылган. Ал ата-энесине өткөрүлүп берилди. Учурда окуянын чоо-жайы такталууда.
Биздин Телеграм каналга катталыңыз