Дайынсыз болуп жаткан Жаркынай Тажибаева изделүүдө. Бул тууралуу Жалал-Абад облустук ички иштер башкармалыгынан билдиришти.
Маалыматка ылайык, Ноокен районунун Ноокен айылынын Токтоболотов көчөсүнүн тургуну 1987-жылы төрөлгөн Тажибаева Жаркынай Камчыбековна 2021-жылдын 2-январь күнү саат 23:00дөр чамасында өзү жашаган үйүнөн чыгып кеткен бойдон дайынсыз болууда.
Белгилери: Бою 165-170 см, өңү кара тору, кашы, көзү кара, чачы узун, мойнунда кесилген из бар, 2-топтогу майып, так сүйлөй албайт.
Кийген кийимдери: Кара түстөгү узун куртка, кара шым, кара түстөгү бут кийим болгон.
Жаркынай Тажибаеваны көргөн билгендер болсо төмөнкү номерлерге кабарлап коюсун жакындары, укук коргоо органдары өтүнөт.
Тел: 102, (03734) 5 05 44, 0755 54 00 35, 0771 05 57 75.
