Жогорку Кеңештин депутаты Дастан Бекешев коомдук кабылдамага ылайыктуу бөлмө таппай жаткандыктан, парламентте жарандарды кабыл алууда экенин өзүнүн Telegram каналында билдирди.
Эл өкүлүнө WhatsApp же башка социалдык тармактар аркылуу жолугушууга жазылса болот.
Анын айтымында, ал депутат болуп шайланган борбордун Октябрь районуна коомдук кабылдама ачууну көздөп жатат. Азырынча ижара баасы арзан кеңсе таба элек.
«Кичинекей жайлардын да ижара акысы биз үчүн абдан жогору. Ошондуктан мен азырынча парламенттин дубалдарында кабыл алуу уюштуруп жатам», — деди Бекешев.