«Түндүк» системасына 62 мамлекеттик орган жана 24 коммерциялык түзүм кошулду. Бул тууралуу Маалымат технологиялары жана байланыш боюнча мамлекеттик комитеттинде өткөн маалымат жыйында мекеменин төрагасы Дастан Догоев билдирди.
Ал журналисттерге 2019-2023-жылдарга карата «Санарип Кыргызстан» концепциясынын алкагында өлкөнү санариптик трансформациялоо боюнча кабыл алынган милдеттердин жана иштердин аткарылышы тууралуу айтып берди.
Дастан Догоев билдиргендей, бүгүнкү күндө «Түндүк» системада 389 сервис бар, 2018-2019-жылдары 17,4 миллион транзакциялар жасалды. Учурда 12 справка автоматташтырылган, мындан улам бир жылдын ичинде 1,5 миллиондон ашуун жаран кезекте туруу жана ашыкча кагаз бюрократиясынан кутулган.