Кыргызстандык спортчу Денис Петрашов АКШда өткөн эл аралык турнирде үчүнчү алтын медалын жеңип алды.
TYR Pro Swim сериясынын кийинки этабы 30-апрелден 3-майга чейин Форт-Лодердейлде (Флорида, АКШ) өттү.
3-майда Денис Петрашовдун катышуусунда 200 метрге брасс стилинде финалдык сүзүү болду. Кыргызстандык спортчу 2 мүнөт 10,29 секунд көрсөткүч менен биринчи болуп, алтын медаль тагынды.
Бул алтын медаль Петрашовдун бул турнирдеги үчүнчүсү болду. Ал буга чейин 50 жана 100 метрге брасс ыкмасы менен сүзүүдө жеңишке жеткен.
Биздин Телеграм каналга катталыңыз