Быйыл экинчи жарым жылдыкта Кыргызстандын коммерциялык банктарындагы депозиттердин көлөмү 254 миллиард 346 миллион 511 миң сомду түздү. Бул тууралуу тиешелүү мекеме билдирди.
Жыл ичинде комбанктардын депозиттик базасы 23,44%га өскөн. Бардык аймактарда өсүш болуп, анын ичинен эң жогорку көрсөткүч Жалал-Абад облусунда катталган, +33,47%. Эң аз өсүш Чүй облусунда, болгону 9,7%ды түзгөн.
Бардык депозиттердин 79,35%ы Бишкек шаарында, ал эми эң аз депозит Нарын (2 млрд 234,3 сом) жана Талас облустарында (2 млрд 220,3 млн сом) бар.
Ошондой эле, Бишкек юридикалык жактардын депозиттери физикалык депозиттерге караганда (5 млн 356,5 миң сомго) басымдуулук кылган өлкөдөгү жалгыз регион болуп саналат.
Телеграм каналыбызга катталыңыз