Жогорку Кеңештин депутаты Нурбек Алимбеков Баткен облусуна 3 миллион сом өлчөмүндө жардам көрсөттү.
Анын айтымында, бул каражаттын 2 миллиону аз камсыз болгон жана чыр-чатактан жабыркаган үй — бүлөлөргө, 1 миллион сому Өкмөттүн Баткен облусундагы ыйгарым укуктуу өкүлүнүн аппаратынын эсебине которулат.
Нурбек Алимбеков азыр кыргыз-тажик мамлекеттик чек арасындагы чыр –чатак зонасында жашаган калк чоң кыйынчылыктарга дуушар болуп жатышкандарын белгиледи.
«Аларга жардам жана колдоо керек”,- деди депутат.
Эл өкүлү кыргызстандыктарды Баткен облусунун тургундарына колдон келген жардамдарын көрсөтүүгө чакырды.
Ички иштер министрлигинин маалыматына ылайык, учурда Баткен аймагында абал тынч.