«Ысык-Көл» мейманканасында 3 гектар жер бар, анда Өкмөттүн аппаратын жайгаштырса, шаардын жолдорундагы автотыгындар кыйла азаймак». Бул тууралуу бүгүн, 26-сентябрда Жогорку Кеңештин жыйынында депутат Экмат Байбакпаев айтты.
«Бишкек шаарындагы Башкы прокуратурасынын өрттөнүп кеткен имараты менен иштебей калган «Ысык-Көл» мейманканасы 10 жылдан бери каралбай калды, алардын азыркы абалы кандай? Ал имараттар биздин чарбасыздыгыбыздын эстелиги катары калдайып катып турат. Эмне ордо калаанын кожоюну жокпу?», — деди депутат.