Бүгүн, 5-апрелде Жогорку Кеңештин жыйынында депутат Таалайбек Масабиров Санариптик өнүктүрүү министрлигине маңзаттарды жарнамалаган Telegram каналдарын жабууну тапшырууну сунуштады.
Ал балдар жана жаштар арасында наркотикалык жана психотроптук заттарды таратууга каршы чараларды сынга алды.
«Мектептердин жанынан өтүп бара жатканда 4-5-класстын окуучулары тамекилерди даамына жараша бөлүшкөнүн угасың. Алар адамдын психикасынын бузулушуна алып келет. Биз көзөмөлдү күчөтүшүбүз керек. Санариптик өнүктүрүү министрлигине дары-дармек саткан Telegram каналдарын жабууну тапшыруу керек», — деди эл өкүлү.
Ошондой эле, Масабиров TikTok соцтармагы боюнча маселе көтөрдү.
«Мен бул социалдык платформа кандайдыр бир деңгээлде пайдалуу экенин айткам. Бирок зыяны да бар экенин айтып коюу керек. Анын мазмуну салтыбызга карама-каршы келет. Бул маселелерди жыйында талкуулоо шарт», — деди эл өкүлү.
Биздин Телеграм каналга катталыңыз