Бензиндин баасы 25-30 сом болуп турганда эмнеге арзандатышкан эмес? Бул суроону Бишкек шаарынын депутаты Таалайбек Сариев калаа бийлигине берди.
Ал “жол кирени ар дайым бензин кымбаттаганда көтөрүп бергиле деп депутаттарга келесиңер да, күйүүчү май арзан болуп турганда эмнеге арзандатып бергиле, кирешебиз көбөйүп жатат деп кайрылбайсыңар? Саясат жүргүзөбүз дейсиңер, жүргүзсөңөр ушул жагын да карагыла”- деди.
Ушул тапта Бишкек шаардык кеңеши жол кире акысын көтөрүү маселесин карап жатат. Маршруттук таксилерге 15 сом, троллейбус, автобуска 11 сом тариф сунушталууда.