Бүгүн, 28-майдагы Жогорку Кеңештин жыйынындагы «Ар кандай маселелер» саатында депутат Максат Сабиров туризм маселесин көтөрдү.
Максат Сабиров жайкы жана кышкы туризмди өнүктүрүү багытында Өкмөткө кайрылганын билдирип, бирок каржы жаатындагы маселелерди чечүү багытында оңдуу жооп ала албаганын кошумчалады. Муну менен катар курулуп калган мектеп — бала бакчалардын ички керектүү жабдуулары камсыздалбай калып жатканына токтолуп, буга мисал катары Ысык-Көл облусунун Челпек айылындагы бала бакчанын толук иштөөсүнө зарыл болгон каражаттар каралбай калганын мисал кылды.