Токмок шаарында айыл башчыларды, муниципалдык ишканалардын кызматкерлерин партиялардын бири добуш бергиле деп кыйнап жатат. Бул тууралуу Жогорку Кеңештин жыйынында депутат Урмат Самаев айтып чыкты.
Ал өткөн жылдын октябрь айындагы башаламандык дагы дал ушундай шайлоо мыйзамдарын бузгандан келип чыккандыгын эскертти.
“Апрелдеги шайлоого Токмок шаарында 5 партия ат салышып жатат. Төртөө бизге кайрылып, партиялардын бири мыйзамды одоно бузуп жатканын айтышты. БШК буга кызыктарбы, беш мыйзамды одоно бузушуптур. Эртең акча таратышат деп кооптонуп жатышат. Токмок шаарынын жергиликтүү бийлиги муниципалдык ишканаларды, айыл башчыларды кыйнап жатышыптыр”, — деди Самаев.