Бүгүн, 16-сентябрда саат 13:00дө Жогорку Кеңештин кезексиз жыйыны башталат. Бул тууралуу Жогорку Кеңештин «Бүтүн Кыргызстан» фракциясынын жыйынында депутат Адахан Мадумаров билдирди.
Анда депутаттар кыргыз-тажик чек арасындагы кырдаалды талкуулашат.
Парламенттин басма сөз кызматы маалымдагандай, жыйын жабык эшик артында өтүп, депутаттар Баткен облусундагы кырдаалды талкуулайт.
Буга чейин Кыргызстандын Чек ара кызматы кыргыз-тажик чек арасындагы соңку жаңжалга байланыштуу билдирүү таратып, анда «тажик тарап буга чейинки макулдашууларды бузуп, Кыргызстандын чек арасынын бүткүл периметри боюнча чек ара жана жарандык объектилерге чыккынчылык менен кол салды», — деп билдирген.
Саат 10:15ке карата кыргыз-тажик чек арасындагы абал чыңалуу бойдон калууда. Чек арадагы акыркы маалыматтар бул шилтемеде.
Биздин Телеграм каналга катталыңыз