Жогорку Кеңештин мурдагы депутаты Гүлшаркан Култаева Борбордук шайлоо комиссиясынын мүчөсу болуп шайланды.
Култаеванын талапкерлиги бүгүн, 19-февралда парламенттин жыйынында каралды. Анын талапкерлиги президент тарабынан сунушталган.
Депутаттар Култаеваны БШКнын мүчөсү кылып суроо-жоопсуз эле шайлады.
Эскерте кетсек, Гүлшаркан Култаева 18-февралда депутаттык мандатын тапшырган. «Ата-журт Кыргызстан» партиясынын катарынан депутат болгон Култаеванын мандаты талапкерлердин тизмесинде кийинки орунда турган Гүлсункан Жунушалиевага тийген.
Депутат болгон Гүлсункан Жунушалиева Жогорку Кеңеште ант берди