«Expo 2020» деп аталган жарманке өткөн жылы болбой калып, эми ачылды. BBC News жазганына караганда, 190дон ашык өлкө катышат. 180 күндөн ашык убакытта заманбап техникалык каражаттар, инновациялар, маданияттагы жаңычылдыктар көрсөтүлөт.
Маалыматка караганда, Бириккен араб эмиратынын бийлиги ачылуу аземинде глобалдык проблеммаларды чечүү үчүн эл аралык кызматташтыктын борбору болоорун билдирди. Ошондой эле бүткүл адамзатынын эсинде кала турган ачылыш болот деп ишендирди.
Жарманкени өткөрүү үчүн 7 миллиард долларга чукул каражат сарпташкан. 18 жаштан улуу бүткүл дүйнө кишилерин чакырууда. Болгону COVID-19 илдетине каршы вакцинадан өтүшү керек. Билеттер жарманкенин расмий сайтында сатылууда.