Дзюдо боюнча кыргызстандык балбан Кубанычбек Айбек уулу Бишкекте өтүп жаткан Азия жана Океания чемпионатындагы алгачкы кармашында түркмөнстандык Хакберди Жумаевди жеңди.
Ал чейрек финалда казакстандык балбан менен күрөшөт.
Белгилей кетсек, бүгүн, 6-апрелде Бишкек шаарында Азия жана Океания чемпионатына старт алды.
Алгачкы мелдеш күнүндө мырзалар арасында 60 жана 66 килограмм салмактагы балбандар күрөшөт. Ал эми кыз-келиндер арасында 48, 52 жана 52 килограмм салмактагылар килем үстүнө чыгат.
Дзюдо боюнча Азия жана Океания чемпионатында 30 өлкөдөн келген 215 балбан 15 комплект медаль үчүн күрөшөт.