Кыргызстандык спортчу Жанар Жолдошева Өзбекстанда өткөн дзюдо боюнча Азия чемпионатында алтын медаль тагынды. 16-17-ноябрь күндөрү Ташкентте 2006-2008-жылдары туулган спортчулар арасында турнир өттү.
Жолдошева 57 килограммга чейинки салмак ченинде күч сынашып, анда жалпысынан 10 спортчу катышкан. Кыргызстандык спортчу 1/4 финалдан баштап, Ирандын спортчусун жеңип, жарым финалда Кытайдын Тайбэйинин өкүлүнөн күчтүүрөөк болду.
Финалдык беттеште Жолдошева Өзбекстандын спортчусун жеңип, алтын медаль тагынып, Азия чемпиону аталды.
Жалпысынан турнирде Кыргызстандын курама командасы 5 медаль – 1 алтын, 1 күмүш жана 3 коло медаль утушту.
Биздин Телеграм каналга катталыңыз