Эгемендик күнүнө карата алгачкы агартуучу, жазгыч акын, ойчул жана тарыхчы Молдо Нияз Эрназар уулунун 200 жылдыгына арналган XVI кыргыз-казак акындарынын эл аралык айтышынын жеңүүчүлөрүнө байгелер тапшырылды. Бул тууралуу Маданият, маалымат, спорт жана жаштар саясаты министрлигинен билдиришти.
Кыргыз-казак акындарынын айтышы 30-31-августта Ош шаарындагы Султан Ибраимов атындагы Ош улуттук драма театрында өтүп, ага 8 кыргыз, 8 казак акыны катышкан. Бул жолу казак акындарынын экөө Монголиядан, бирөө Өзбекстандан келген.
Адаттагыдай айтышка катышкан кыргыз-казак акындарга кош байге берилди.
Калыстар тобунун чечими менен жеңүүчүлөр төмөнкүдөй аныкталды:
Баш байге 450 миң сом- Азамат Болгонбаев (Кыргызстан),
Баш байге 450 миң сом — Муктар Ниязов (Казакстан).
Биринчи орун 300 миң сом — Изат Айдаркулова (Кыргызстан),
Биринчи орун 300 миң сом- Казырет Бердихан (Казакстан).
Экинчи орун 200 миң сом- Асылбек Маратов (Кыргызстан),
Экинчи орун 200 миң сом -Данияр Алдаберген( Казакстан)
Үчүнчү орун 100 миң сом -Чынгызхан Кожошев (Кыргызстан),
Үчүнчү орун 100 миң сом — Талгат Орынбеков (Өзбекстан).
Атайын кызыктыруучу сыйлык жана 70 миң сом акчалай сыйлык алгандар:
Тилек Базар уулу ( Монголия);
Аманжол Куанткан (Монголия);
Нурмат Мансуров (Казакстан);
Айчолпан Түлөхан ( Казакстан);
Баян Акматов (Кыргызстан);
Акмат Султан уулу (Кыргызстан);
Кубат Тукешов (Кыргызстан);
Кутман Садыбакасов (Кыргызстан).
Биздин Телеграм каналга катталыңыз